Өлзийбаатарын Мөрөн нь Голомт Банкны Ерөнхий эдийн засагчаар ажиллаж байгаа бөгөөд банкны салбарт тасралтгүй 9 жил ажилласан туршлагатай эдийн засагч юм.
Ажлын гараагаа 2018 онд Голомт банканд ерөнхий эдийн засагчаар эхэлж ажиллах хугацаандаа Голомт банкны анхдагч IPO, сүүлийн 10 гаруй жилийн хугацаанд анх удаа олон улсын зах зээл дээр гарч буй бонд зэрэг томоохон ажлуудад гар бие оролцож амжилттай хэрэгжүүлсэн туршлагатай. Тэрээр өөрийн удирдлагад буй эдийн засгийн судалгааны нэгжээр дамжуулан томоохон судалгааны ажлуудыг олон нийтэд хүргэн ажилладаг билээ.
Өнөөдөр тэрээр санхүүгийн салбарт мэргэжлийн мэдлэг, туршлагаа зориулахын зэрэгцээ Үнэт Ассет Менежмент ҮЦК-ийн хараат бус гишүүний албыг хашиж байна.
Тогоохүүгийн Хүүбаяр нь 2024 оны 5 сард “Өмгөөллийн Претиум адвокатс” ХХК-ийг үүсгэн байгуулж, өдгөө гүйцэтгэх захирлаар ажиллаж байна. Тэрээр хууль зүйн салбарт тасралтгүй 9 жил ажилласан туршлагатай бөгөөд “Хууль зүйн ухааны магистр”-ийн зэрэг хамгаалсан чадварлаг удирдагч, хуульч юм.
Ажлын гараагаа Захиргааны хэргийн давж заалдах шатны шүүхээс зохион байгуулагчийн албан тушаалаас эхэлж, 4 жил тус байгууллагад шүүгчийн туслах албан тушаалаар, 2020 оноос Голомт банканд хуульчаар ажиллаж байсан туршлагатай.
Голомт банканд ажиллаж байх хугацаандаа IPO төслийн ажлын хэсэгт хууль хариуцсан гишүүнээр ажиллаж онцгой үүрэг гүйцэтгэсэн юм.
Өнөөдөр тэрээр “Өмгөөллийн Претиум адвокатс” ХХК-ийг удирдан, хууль зүйн салбарт манлайлан ажиллаж байна. Мөн Үнэт Ассет Менемжент ҮЦК-ийн хараат бус ТУЗ-ийн гишүүн юм.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна.
Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан. Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн. Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн.
Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв. Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна. Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан.
Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн.
Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн. Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв.
Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг
багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа
өсөж хөгжих хамтын үнэ цэнийг бүтээж буй байгууллага болон өргөжин тэлж байна.
“Үнэт Ассет Менежмент” ХХК нь “Үнэт Санхүүгийн Нэгдэл” ХХК-ийн охин компани бөгөөд 2024 онд байгуулагдсан Санхүүгийн зохицуулах хорооны “Хөрөнгө оруулалтын менежментийн үйл ажиллагаа эрхлэх”, “Үнэт цаасны хөрөнгө оруулалтын зөвлөх” болон “Үнэт цаасны итгэмжлэн удирдах” гурван тусгай зөвшөөрөлтэй анхны хөрөнгө оруулалтын менежментийн компани юм.
Хөрөнгийн зах зээлийн олон улсын жишигт нийцсэн үйлчилгээг ёс зүй, мэргэжлийн өндөр түвшинд хүргэх зорилготой, банк санхүү, хөрөнгийн зах зээлд олон жил ажилласан туршлагатай, шинийг эрэлхийлэгч, эрч хүчтэй залуусаас бүрдсэн хамт олон юм.
Санхүү, хөрөнгийн зах зээлийн мэдлэгт суурилсан шилдэг туршлага, багцын оновчтой удирдлага, импакт инвестмент болон эрсдэлийн удирдлагын тогтолцоогоор дамжуулан бид хөрөнгө оруулагчдад дараах боломжийг олгодог. Үүнд:
❖ Хөрөнгийн үнэ цэн, өгөөжийг зогсолтгүй нэмэгдүүлэх
❖ Хамгийн өндөр өгөөжийг хүртэх
❖ Хөрөнгийн зах зээлд өргөн хүрээнд оролцох.
Мөн бид олон улсын жишигт нийцсэн хөрөнгө удирдлагын цогц үйлчилгээг хөгжүүлэхэд бодит хувь нэмэр оруулахыг зорьж ажиллаж байна.
Та “Үнэт Ассет Менежмент” ХХК-ийн толгой компани “Үнэт Санхүүгийн Нэгдэл” ХХК-ийн тухай мэдээлэл авахыг хүсвэл энд дарна уу.
Өрсөлдөж биш хамтарч, өмчилж биш хуваалцана.
Хамтын хүчээр салбартаа тэргүүлэх компани болно.
Үнэ цэнийг бүтээнэ.
Өндөр ёс зүйтэй байж хувийн ашиг сонирхлыг хөрөнгө оруулагч, харилцагчийн болон компанийн эрх ашгаас ангид байлгаж мэргэжлийн ур чадвараар өндөр бүтээмжтэй ажиллаж өөрийгөө болон бусдыг хөгжүүлэгч байх;
Бусдын өмнө хүлээсэн үүргээ бүрэн ухамсарлаж, үндсэн зорилгодоо хүрэхийн тулд үүрэг даалгавраа чанартайгаар биелүүлж, багийн гүйцэтгэлийг өндөр байлгах;
Өөрөө өөртөө шударгаар хандаж хувь хүний болон байгууллагын үнэт зүйлст итгэл дүүрэн байж түүндээ үнэнч зарчимтай хоёргүй сэтгэлээ зориулах;
Зах зээлийн зохицуулагч байгууллага, оролцогч талуудын хууль болон гэрээгээр тогтоосон эрхийг эрхэмлэн үзэж компанийн ажилтнууд, харилцагч, хөрөнгө оруулагч нарын ашиг сонирхлыг үргэлж анхаарлын төвд байлгаж мэргэжлийн үйл ажиллагаа явуулах;
Олон нийт, бизнес эрхлэгч нартай хамтран бизнесийн олон шинэ нэгдлүүдийг бий болгох замаар эдийн засаг, хөрөнгийн зах зээлийн хөгжилд өндөр хувь нэмэр оруулах;
Нийгэм болон байгаль орчинд ээлтэйгээр үйл ажиллагаа явуулахад бусдыг үлгэрлэн манлайлж, илүү санал санаачилгатай байж, тогтвортой хөгжилд дэмжлэг үзүүлэх;
Аливаад бүтээлчээр хандаж хөрөнгө оруулагч, харилцагч байгууллага, ажилтнуудад тулгамдаж буй бэрхшээлийг цаг алдалгүй, хамгийн зөв шийдлийг санал болгож, байнгын тасралтгүй хөгжиж байх;
Эрхэм хүндэт хөрөнгө оруулагчид, харилцагчид, түншүүд болон нийт хамтран зүтгэгч та бүхэндээ энэ өдрийн мэндийг хүргэе.
“Үнэт Ассет Менежмент ҮЦК” ХХК нь 100 хувь дотоодын хөрөнгө оруулалттай, хөрөнгийн зах зээлийн олон улсын жишигт нийцсэн үйлчилгээг ёс зүй, мэргэжлийн өндөр түвшинд хүргэх зорилготой, банк санхүү, хөрөнгийн зах зээлд олон жил ажилласан туршлагатай, шинийг эрэлхийлэгч, эрч хүчтэй залуусаас бүрдсэн, хөрөнгө оруулалтын менежментийн компани юм.
Бид Монгол Улсын хөрөнгийн зах зээл, тэр дундаа хөрөнгө оруулалтын санг дэлхийн жишигт нийцүүлэн хөгжүүлэх үйлсэд өөрийн хувь нэмрийг оруулах зорилготой. Үүний хүрээнд санхүү, хөрөнгийн зах зээлийн мэдлэгт суурилсан шилдэг туршлага, багцын оновчтой удирдлага, импакт инвестмент, эрсдэлийн удирдлагын тогтолцоогоороо дамжуулан САН-гийн хөрөнгийн үнэ цэн, өгөөжийг нэмэгдүүлж, хөрөнгө оруулагчдад өндөр өгөөж хүртэх, хөрөнгийн зах зээлд оролцоотой байх өргөн цар хүрээтэй боломжуудаар хангахаар ажиллаж байна.
Ирэх он жилүүдэд нийт хөрөнгө оруулагчид, харилцагчид, түншүүд та бүхэнтэйгээ хамтдаа үнэ цэнийг бүтээж, өсөн дэвжихдээ бид ямагт баяртай байх болно.
