Өлзийбаатарын Мөрөн нь Голомт Банкны Ерөнхий эдийн засагчаар ажиллаж байгаа бөгөөд банкны салбарт тасралтгүй 9 жил ажилласан туршлагатай эдийн засагч юм.
Ажлын гараагаа 2018 онд Голомт банканд ерөнхий эдийн засагчаар эхэлж ажиллах хугацаандаа Голомт банкны анхдагч IPO, сүүлийн 10 гаруй жилийн хугацаанд анх удаа олон улсын зах зээл дээр гарч буй бонд зэрэг томоохон ажлуудад гар бие оролцож амжилттай хэрэгжүүлсэн туршлагатай. Тэрээр өөрийн удирдлагад буй эдийн засгийн судалгааны нэгжээр дамжуулан томоохон судалгааны ажлуудыг олон нийтэд хүргэн ажилладаг билээ.
Өнөөдөр тэрээр санхүүгийн салбарт мэргэжлийн мэдлэг, туршлагаа зориулахын зэрэгцээ Үнэт Ассет Менежмент ҮЦК-ийн хараат бус гишүүний албыг хашиж байна.
Тогоохүүгийн Хүүбаяр нь 2024 оны 5 сард “Өмгөөллийн Претиум адвокатс” ХХК-ийг үүсгэн байгуулж, өдгөө гүйцэтгэх захирлаар ажиллаж байна. Тэрээр хууль зүйн салбарт тасралтгүй 9 жил ажилласан туршлагатай бөгөөд “Хууль зүйн ухааны магистр”-ийн зэрэг хамгаалсан чадварлаг удирдагч, хуульч юм.
Ажлын гараагаа Захиргааны хэргийн давж заалдах шатны шүүхээс зохион байгуулагчийн албан тушаалаас эхэлж, 4 жил тус байгууллагад шүүгчийн туслах албан тушаалаар, 2020 оноос Голомт банканд хуульчаар ажиллаж байсан туршлагатай.
Голомт банканд ажиллаж байх хугацаандаа IPO төслийн ажлын хэсэгт хууль хариуцсан гишүүнээр ажиллаж онцгой үүрэг гүйцэтгэсэн юм.
Өнөөдөр тэрээр “Өмгөөллийн Претиум адвокатс” ХХК-ийг удирдан, хууль зүйн салбарт манлайлан ажиллаж байна. Мөн Үнэт Ассет Менемжент ҮЦК-ийн хараат бус ТУЗ-ийн гишүүн юм.
Бат-Эрдэнийн Мөнхцэцэг нь 2024 оны 4-р сараас эхлэн “Үнэт Ассет Менежмент ҮЦК”-ийн Гүйцэтгэх захирлаар ажиллаж байна.
Банк, санхүүгийн салбарт 11 жилийн туршлагатай тэрээр Голомт банканд эрсдэлийн менежер, аудитор, комплаенсийн мэргэжилтэн, хэлтсийн захирал, ахлах менежер зэрэг албан тушаал хашиж байжээ. Энэ хугацаанд олон улсын жишигт нийцсэн комплаенсийн системийг нэвтрүүлж, томоохон хөрөнгө оруулалтын төслүүдийг удирдан хэрэгжүүлсэн туршлагатай. Мөн банкны бизнесийн төлөвлөлт, гүйцэтгэл хянах, систем нэвтрүүлэх төслүүдэд багийн удирдагчаар ажиллаж байсан. 2020 оноос Үнэт цаасны зах зээлд ажиллаж, CFA зэрэг горилж байгаа бөгөөд салбартаа шинэ мэдлэг, туршлага нэвтрүүлэхийг зорьж байна.
Өнөөдөр тэрээр Үнэт Ассет Менежмент ҮЦК‑ийг удирдан, хөрөнгийн удирдлагын салбарт манлайлан ажиллаж байна.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Бат-Эрдэнийн Мөнхцэцэг нь 2024 оны 4-р сараас эхлэн “Үнэт Ассет Менежмент ҮЦК”-ийн Гүйцэтгэх захирлаар ажиллаж байна.
Банк, санхүүгийн салбарт 11 жилийн туршлагатай тэрээр Голомт банканд эрсдэлийн менежер, аудитор, комплаенсийн мэргэжилтэн, хэлтсийн захирал, ахлах менежер зэрэг албан тушаал хашиж байжээ. Энэ хугацаанд олон улсын жишигт нийцсэн комплаенсийн системийг нэвтрүүлж, томоохон хөрөнгө оруулалтын төслүүдийг удирдан хэрэгжүүлсэн туршлагатай. Мөн банкны бизнесийн төлөвлөлт, гүйцэтгэл хянах, систем нэвтрүүлэх төслүүдэд багийн удирдагчаар ажиллаж байсан. 2020 оноос Үнэт цаасны зах зээлд ажиллаж, CFA зэрэг горилж байгаа бөгөөд салбартаа шинэ мэдлэг, туршлага нэвтрүүлэхийг зорьж байна.
Өнөөдөр тэрээр Үнэт Ассет Менежмент ҮЦК‑ийг удирдан, хөрөнгийн удирдлагын салбарт манлайлан ажиллаж байна.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа өсөж хөгжих хамтын үнэ цэнийг бүтээж буй байгууллага болон өргөжин тэлж байна.
Бид өдөр тутмын амьдралдаа их бага хэмжээгээр эрсдэлтэй нүүр тулж байдаг. Эрсдэл нь олон төрлийн нөхцөл байдалд өөр өөр үр дагавруудыг дагуулдаг учир эрсдэлийн төрөл тус бүрд тохирсон зохицуулалтуудыг хийж байх нь хамгийн оновчтой юм. Эдгээр олон төрлийн эрсдэлийн нэг нь хөрөнгө оруулалтын эрсдэл юм. Хөрөнгө оруулалт хийсэн болон ирээдүйд хөрөнгө оруулалт хийх гэж буй хөрөнгө оруулагчдын зайлшгүй мэдэх ёстой зүйлийн нэг нь хөрөнгө оруулалтын эрсдэл, түүнийг хэрхэн удирдах арга зам юм. Хөрөнгө оруулалтын эрсдэлийг зөв удирдаж сурснаар амжилттай хөрөнгө оруулагч болох суурь тавигддаг.
Хөрөнгө оруулалтын эрсдэл гэж юу вэ?
Дотоод болон гадаад орчны нөлөөгөөр ирээдүйн тодорхой бус нөхцөл байдлын улмаас хөрөнгө оруулалтын алдагдал хүлээх магадлалыг хөрөнгө оруулалтын эрсдэл гэнэ. Хөрөнгө оруулагч бүрийн эцсийн зорилго нь ашиг олох явдал байдаг. Зарим хүмүүс өндөр эрсдэлтэйгээр их ашиг олохыг хүсдэг бол зарим нь эрсдэл багатайгаар тогтмол ашиг олохыг эрмэлздэг. Иймд хөрөнгө оруулалтын шийдвэр гаргахаасаа өмнө хөрөнгө оруулалтын зорилго, өөрийн эрсдэл даах чадварын тодорхойлж, тэдгээрт тохирсон хөрөнгө оруулалт хэрэгтэй. Эрсдэл даах чадвар нь хүн бүрийн нөхцөл байдлаас шалтгаалан өөр өөр байдаг. Тухайн хүний нас, санхүүгийн чадвар, эрхэлдэг ажил, одоогийн орлогын хэмжээ, цаашид орлого олох чадвар зэрэг олон хүчин зүйл хөрөнгө оруулалтын эрсдэл даах чадварыг тодорхойлдог.
Жишээлбэл, дөнгөж ажлын гараагаа эхэлж буй өсөх ирээдүйтэй, ганц бие залуу хүн эрсдэлтэй хөрөнгө оруулалт хийхэд алдагдал хүлээсэн ч гэр бүлийн бусад гишүүдийн өмнө хүлээсэн санхүүгийн хариуцлага байхгүй тул цаашид хөрөнгөө нөхөх, өсгөх хугацаатай тул эрсдэл даах чадвар өндөр гэж үзэж болно. Орлогын олон төрлийн эх үүсвэртэй хүн аль нэг эх үүсвэрээс орж ирэх орлогоор эрсдэлтэй хөрөнгө оруулалт хийгээд хөрөнгийн үнэ цэнээ алдсан ч бусад хөрөнгөөрөө амьдралаа авч явах боломжтой тул эрсдэл даах чадвар мөн л өндөр байна. Харин орлогын ганц эх үүсвэртэй, хурааж хуримтлуулсан хөрөнгөөрөө амьдарч буй хүмүүс бүх хөрөнгөө эрсдэлтэй хөрөнгөд байршуулах нь зөв шийдвэр биш юм. Энэ бүлэгт хамаарах хүмүүс эрсдэл багатай тогтмол орлоготой хөрөнгө оруулалтын хэрэгсэлд хөрөнгөө байршуулах нь оновчтой сонголт юм.
Ихэвчлэн тухайн хүний нас залуу, хөрөнгө их, орлогын олон эх үүсвэртэй, орлого нь тогтмол, санхүүгийн хэрэгцээ /тухайлбал, хүүхдүүдийн сургууль, цэцэрлэгийн төлбөр гэх мэт/ бага байх тусмаа эрсдэл даах чадвар өндөр байна. Харин нас өндөр, хөрөнгө хуримтлал багатай, санхүүгийн хэрэгцээ ихтэй, тогтмол орлого бага байх тусам эрсдэл даах чадвар бага буюу аль болох болгоомжтой хөрөнгө оруулалт хийх нь зүйтэй юм.
Гэхдээ та хувьцаа, бонд, хадгаламж, үл хөдлөх хөрөнгө зэргээр олон төрлийн хэрэгслүүдэд хөрөнгө оруулалт хийх замаар хөрөнгөө тараан байршуулж, хөрөнгө оруулалтын эрсдэлийг бууруулж болно. Хөрөнгө оруулалт хийхдээ хөрөнгө оруулалтын алтан дүрэм болох бүх өндгөө нэг сагсанд хийхгүй байх зарчмыг үргэлж санаж байх хэрэгтэй.