Өлзийбаатарын Мөрөн нь Голомт Банкны Ерөнхий эдийн засагчаар ажиллаж байгаа бөгөөд банкны салбарт тасралтгүй 9 жил ажилласан туршлагатай эдийн засагч юм.
Ажлын гараагаа 2018 онд Голомт банканд ерөнхий эдийн засагчаар эхэлж ажиллах хугацаандаа Голомт банкны анхдагч IPO, сүүлийн 10 гаруй жилийн хугацаанд анх удаа олон улсын зах зээл дээр гарч буй бонд зэрэг томоохон ажлуудад гар бие оролцож амжилттай хэрэгжүүлсэн туршлагатай. Тэрээр өөрийн удирдлагад буй эдийн засгийн судалгааны нэгжээр дамжуулан томоохон судалгааны ажлуудыг олон нийтэд хүргэн ажилладаг билээ.
Өнөөдөр тэрээр санхүүгийн салбарт мэргэжлийн мэдлэг, туршлагаа зориулахын зэрэгцээ Үнэт Ассет Менежмент ҮЦК-ийн хараат бус гишүүний албыг хашиж байна.
Тогоохүүгийн Хүүбаяр нь 2024 оны 5 сард “Өмгөөллийн Претиум адвокатс” ХХК-ийг үүсгэн байгуулж, өдгөө гүйцэтгэх захирлаар ажиллаж байна. Тэрээр хууль зүйн салбарт тасралтгүй 9 жил ажилласан туршлагатай бөгөөд “Хууль зүйн ухааны магистр”-ийн зэрэг хамгаалсан чадварлаг удирдагч, хуульч юм.
Ажлын гараагаа Захиргааны хэргийн давж заалдах шатны шүүхээс зохион байгуулагчийн албан тушаалаас эхэлж, 4 жил тус байгууллагад шүүгчийн туслах албан тушаалаар, 2020 оноос Голомт банканд хуульчаар ажиллаж байсан туршлагатай.
Голомт банканд ажиллаж байх хугацаандаа IPO төслийн ажлын хэсэгт хууль хариуцсан гишүүнээр ажиллаж онцгой үүрэг гүйцэтгэсэн юм.
Өнөөдөр тэрээр “Өмгөөллийн Претиум адвокатс” ХХК-ийг удирдан, хууль зүйн салбарт манлайлан ажиллаж байна. Мөн Үнэт Ассет Менемжент ҮЦК-ийн хараат бус ТУЗ-ийн гишүүн юм.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна.
Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан. Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн. Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн.
Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв. Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна. Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан.
Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн.
Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн. Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв.
Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг
багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа
өсөж хөгжих хамтын үнэ цэнийг бүтээж буй байгууллага болон өргөжин тэлж байна.
Тэрбумтан хөрөнгө оруулагч Билл Акманы удирддаг “Pershing Square Capital Management” хедж сан нь хөрөнгө оруулалтын багцаа шинэчилж, Амазон компанид их хэмжээний хөрөнгө оруулалт хийжээ. Ерөнхийлөгч Дональд Трампын тарифын бодлого худалдааны салбарт үйл ажиллагаагаа явуулдаг “Amazon” компанид их хэмжээгээр нөлөөлөхгүй гэж тэд үзэж тус шийдвэрийг гаргасан байна.
Амазон нь 2 их наяд ам.доллараас дээш үнэлгээтэй дэлхийн хамгийн үнэ цэнтэй компаниудын нэг юм. Амазоны хувьцааны үнэ 4-р сард тарифын мэдээний улмаас унасан нь “Pershing Square”-д худалдан авах томоохон боломжийг олгожээ. Тэд Амазоны “cloud service”-ийн үйлчилгээ болох Amazon Web Services-ийн салбар нь бусад салбарын орлогыг нөхөх чадвартай гэж үзсэн бөгөөд жижиглэн худалдааны бизнесийн орлогод тарифууд мөн ноцтой нөлөө үзүүлэхгүй гэж дүгнэжээ. Мөн тэд Амазоны гүйцэтгэх захирал Эндрю Жассигийн удирдлагад итгэлтэй байгаагаа илэрхийлжээ. Амазонд хөрөнгө оруулахын тулд “Pershing Square” нь Канадын төмөр замын компани болох “Canadian Pacific” дахь хувьцаагаа зарсан байна.
Акман энэ шийдвэрийг хийсэндээ харамсалтай байгаа ч, Амазонд хөрөнгө оруулахын тулд сангийн багцаа ахин хуваарилах шаардлагатай болсон гэжээ. Тэрээр Canadian Pacific-ийн багийг өндөр үнэлдэг бөгөөд компанийн урт хугацааны ирээдүйд итгэлтэй хэвээр байна гэж онцолжээ. Нэмж дурдахад, Pershing Square нь автомашин түрээсийн “Hertz” болон тээврийн “Uber” компанид хөрөнгө оруулалт хийсэн байна. Мөн “Chipotle”, “Hilton”, “Universal Music Group” зэрэг компанид хийсэн хөрөнгө оруулалтаа багасгаж, “Nike”-ийн хувьцааг call option-оор худалдан авчээ.
Эдгээр өөрчлөлтүүд нь “Pershing Square”-ийн технологи болон тээврийн салбар руу чиглэсэн стратегийн шилжилт хийж байгааг харуулсан бөгөөд зах зээлийн нөхцөл байдалд дасан зохицох хөрөнгө оруулалтын стратегийг тод жишээ юм.
Эх сурвалж: Reuters.com