Өлзийбаатарын Мөрөн нь Голомт Банкны Ерөнхий эдийн засагчаар ажиллаж байгаа бөгөөд банкны салбарт тасралтгүй 9 жил ажилласан туршлагатай эдийн засагч юм.
Ажлын гараагаа 2018 онд Голомт банканд ерөнхий эдийн засагчаар эхэлж ажиллах хугацаандаа Голомт банкны анхдагч IPO, сүүлийн 10 гаруй жилийн хугацаанд анх удаа олон улсын зах зээл дээр гарч буй бонд зэрэг томоохон ажлуудад гар бие оролцож амжилттай хэрэгжүүлсэн туршлагатай. Тэрээр өөрийн удирдлагад буй эдийн засгийн судалгааны нэгжээр дамжуулан томоохон судалгааны ажлуудыг олон нийтэд хүргэн ажилладаг билээ.
Өнөөдөр тэрээр санхүүгийн салбарт мэргэжлийн мэдлэг, туршлагаа зориулахын зэрэгцээ Үнэт Ассет Менежмент ҮЦК-ийн хараат бус гишүүний албыг хашиж байна.
Тогоохүүгийн Хүүбаяр нь 2024 оны 5 сард “Өмгөөллийн Претиум адвокатс” ХХК-ийг үүсгэн байгуулж, өдгөө гүйцэтгэх захирлаар ажиллаж байна. Тэрээр хууль зүйн салбарт тасралтгүй 9 жил ажилласан туршлагатай бөгөөд “Хууль зүйн ухааны магистр”-ийн зэрэг хамгаалсан чадварлаг удирдагч, хуульч юм.
Ажлын гараагаа Захиргааны хэргийн давж заалдах шатны шүүхээс зохион байгуулагчийн албан тушаалаас эхэлж, 4 жил тус байгууллагад шүүгчийн туслах албан тушаалаар, 2020 оноос Голомт банканд хуульчаар ажиллаж байсан туршлагатай.
Голомт банканд ажиллаж байх хугацаандаа IPO төслийн ажлын хэсэгт хууль хариуцсан гишүүнээр ажиллаж онцгой үүрэг гүйцэтгэсэн юм.
Өнөөдөр тэрээр “Өмгөөллийн Претиум адвокатс” ХХК-ийг удирдан, хууль зүйн салбарт манлайлан ажиллаж байна. Мөн Үнэт Ассет Менемжент ҮЦК-ийн хараат бус ТУЗ-ийн гишүүн юм.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна.
Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан. Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн. Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн.
Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв. Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Барсболдын Түмэнцацал нь 2025 оны 4-р сараас Үнэт Ассет Менежмент ХХК-ийн хараат бус ТУЗ-ийн гишүүнээр томилогдон ажиллаж байна. Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан.
Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн.
Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн. Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв.
Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг
багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа
өсөж хөгжих хамтын үнэ цэнийг бүтээж буй байгууллага болон өргөжин тэлж байна.
2026 онд институциональ хөрөнгө оруулагчид болон хөрөнгийн мэнежерүүд (asset allocators) олон стратегитай хедж сангууд руу илүү их капитал төвлөрүүлэх хандлага ажиглагдаж байна гэж Bank of America (BofA)-ын судалгаандаа дурджээ.
BofA-ын явуулсан судалгаанд 280 орчим институциональ хөрөнгө оруулагч хамрагдсан бөгөөд судалгааны үр дүнгээс харахад хөрөнгө оруулагчид цөөн тооны боловч том хэмжээтэй, төрөлжсөн стратегийг нэг дор хэрэгжүүлдэг хедж сангуудыг илүүд үзэх болсон нь тодорхой болжээ. Үүний улмаас хөрөнгө оруулагчийн портфолиод багтдаг хедж сангийн тоо буурч, харин нэг санд ногдох хөрөнгө оруулалтын дундаж хэмжээ мэдэгдэхүйц өссөн байна.
Тухайлбал, нэг хөрөнгө оруулагчийн эзэмшдэг хедж сангийн тоо 2024 онд дунджаар 20 байсан бол 2025 онд 18 болж буурсан байна. Харин нэг хедж санд ногдох дундаж хөрөнгө оруулалтын хэмжээ 42 сая ам.доллароос 50 сая ам.доллар болж өсжээ. Энэ нь хөрөнгө оруулагчид эрсдэлийг илүү төвлөрсөн, мэргэжлийн удирдлагатай сангуудаар дамжуулан удирдахыг зорьж буйг харуулж байна.
Судалгаанд оролцогчдын 62 хувь нь 2025 онд хедж сангууд руу чиглүүлэх хөрөнгө оруулалтын хэмжээгээ нэмэгдүүлэх боломж бүрдсэн гэж хариулсан нь өмнөх оны 17 хувийн үзүүлэлттэй харьцуулахад огцом өссөн дүн юм. Мөн оролцогчдын 51 хувь нь 2026 онд хедж сангийн хөрөнгө оруулалтаа цаашид нэмэгдүүлэх төлөвтэй байгаагаа илэрхийлжээ. BofA-ын тайланд дурдсанаар, 2025 онд дэлхийн хэмжээнд хедж сангийн салбарын удирдаж буй нийт хөрөнгийн хэмжээ бараг 5 их наяд ам.долларт хүрсэн бөгөөд үүнд сангуудын гүйцэтгэл сайжирсан явдал болон ойролцоогоор 71 тэрбум ам.долларын шинэ хөрөнгийн урсгал голлон нөлөөлсөн байна.