Өлзийбаатарын Мөрөн нь Голомт Банкны Ерөнхий эдийн засагчаар ажиллаж байгаа бөгөөд банкны салбарт тасралтгүй 9 жил ажилласан туршлагатай эдийн засагч юм.
Ажлын гараагаа 2018 онд Голомт банканд ерөнхий эдийн засагчаар эхэлж ажиллах хугацаандаа Голомт банкны анхдагч IPO, сүүлийн 10 гаруй жилийн хугацаанд анх удаа олон улсын зах зээл дээр гарч буй бонд зэрэг томоохон ажлуудад гар бие оролцож амжилттай хэрэгжүүлсэн туршлагатай. Тэрээр өөрийн удирдлагад буй эдийн засгийн судалгааны нэгжээр дамжуулан томоохон судалгааны ажлуудыг олон нийтэд хүргэн ажилладаг билээ.
Өнөөдөр тэрээр санхүүгийн салбарт мэргэжлийн мэдлэг, туршлагаа зориулахын зэрэгцээ Үнэт Ассет Менежмент ҮЦК-ийн хараат бус гишүүний албыг хашиж байна.
Тогоохүүгийн Хүүбаяр нь 2024 оны 5 сард “Өмгөөллийн Претиум адвокатс” ХХК-ийг үүсгэн байгуулж, өдгөө гүйцэтгэх захирлаар ажиллаж байна. Тэрээр хууль зүйн салбарт тасралтгүй 9 жил ажилласан туршлагатай бөгөөд “Хууль зүйн ухааны магистр”-ийн зэрэг хамгаалсан чадварлаг удирдагч, хуульч юм.
Ажлын гараагаа Захиргааны хэргийн давж заалдах шатны шүүхээс зохион байгуулагчийн албан тушаалаас эхэлж, 4 жил тус байгууллагад шүүгчийн туслах албан тушаалаар, 2020 оноос Голомт банканд хуульчаар ажиллаж байсан туршлагатай.
Голомт банканд ажиллаж байх хугацаандаа IPO төслийн ажлын хэсэгт хууль хариуцсан гишүүнээр ажиллаж онцгой үүрэг гүйцэтгэсэн юм.
Өнөөдөр тэрээр “Өмгөөллийн Претиум адвокатс” ХХК-ийг удирдан, хууль зүйн салбарт манлайлан ажиллаж байна. Мөн Үнэт Ассет Менемжент ҮЦК-ийн хараат бус ТУЗ-ийн гишүүн юм.
Бат-Эрдэнийн Мөнхцэцэг нь 2024 оны 4-р сараас эхлэн “Үнэт Ассет Менежмент ҮЦК”-ийн Гүйцэтгэх захирлаар ажиллаж байна.
Банк, санхүүгийн салбарт 11 жилийн туршлагатай тэрээр Голомт банканд эрсдэлийн менежер, аудитор, комплаенсийн мэргэжилтэн, хэлтсийн захирал, ахлах менежер зэрэг албан тушаал хашиж байжээ. Энэ хугацаанд олон улсын жишигт нийцсэн комплаенсийн системийг нэвтрүүлж, томоохон хөрөнгө оруулалтын төслүүдийг удирдан хэрэгжүүлсэн туршлагатай. Мөн банкны бизнесийн төлөвлөлт, гүйцэтгэл хянах, систем нэвтрүүлэх төслүүдэд багийн удирдагчаар ажиллаж байсан. 2020 оноос Үнэт цаасны зах зээлд ажиллаж, CFA зэрэг горилж байгаа бөгөөд салбартаа шинэ мэдлэг, туршлага нэвтрүүлэхийг зорьж байна.
Өнөөдөр тэрээр Үнэт Ассет Менежмент ҮЦК‑ийг удирдан, хөрөнгийн удирдлагын салбарт манлайлан ажиллаж байна.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Бат-Эрдэнийн Мөнхцэцэг нь 2024 оны 4-р сараас эхлэн “Үнэт Ассет Менежмент ҮЦК”-ийн Гүйцэтгэх захирлаар ажиллаж байна.
Банк, санхүүгийн салбарт 11 жилийн туршлагатай тэрээр Голомт банканд эрсдэлийн менежер, аудитор, комплаенсийн мэргэжилтэн, хэлтсийн захирал, ахлах менежер зэрэг албан тушаал хашиж байжээ. Энэ хугацаанд олон улсын жишигт нийцсэн комплаенсийн системийг нэвтрүүлж, томоохон хөрөнгө оруулалтын төслүүдийг удирдан хэрэгжүүлсэн туршлагатай. Мөн банкны бизнесийн төлөвлөлт, гүйцэтгэл хянах, систем нэвтрүүлэх төслүүдэд багийн удирдагчаар ажиллаж байсан. 2020 оноос Үнэт цаасны зах зээлд ажиллаж, CFA зэрэг горилж байгаа бөгөөд салбартаа шинэ мэдлэг, туршлага нэвтрүүлэхийг зорьж байна.
Өнөөдөр тэрээр Үнэт Ассет Менежмент ҮЦК‑ийг удирдан, хөрөнгийн удирдлагын салбарт манлайлан ажиллаж байна.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа өсөж хөгжих хамтын үнэ цэнийг бүтээж буй байгууллага болон өргөжин тэлж байна.
Монгол Улсад хүчин төгөлдөр мөрдөж буй хууль тогтоомжийн дагуу Хөрөнгө оруулалтын сан нь хөрөнгө оруулагчийн төрөл, үйл ажиллагааны онцлогоос шалтгаалан хамтын болон хувийн хөрөнгө оруулалтын сан гэсэн хэлбэртэй байна.
Хамтын хөрөнгө оруулалтын сан
Хамтын хөрөнгө оруулалтын сан нь сангийн нэгж эрхийг олон нийтэд санал болгох замаар хөрөнгө оруулалтын эх үүсвэрийг татан төвлөрүүлж, боловсруулсан баримт бичгийн дагуу үнэт цаас, бонд, хувьцаа зэрэг хөрөнгийн зах зээл дэх зөвшөөрөгдсөн хэрэгсэлд хөрөнгө оруулалт хийдэг. Хамтын хөрөнгө оруулалтын сан нь нэгж эрхийн гаргалт, нэгж эрхийн хөрвөх чадвар, үнэлгээний арга зүйн онцлог зэргээс шалтгаалан дараах 3 төрөлтэй байна. Үүнд:
Хамтын нээлттэй хөрөнгө оруулалтын сан нь үнэт цаасаа бусдад худалдахаар байнга санал болгож, эрэлтийн хэмжээгээр гаргадаг бөгөөд үнэт цаасаа эргүүлэн худалдан авах үүрэг хүлээдэг.
Хамтын хаалттай хөрөнгө оруулалтын сан нь үүсгэн байгуулагчаас тогтоосон хөрөнгийн хэмжээнд багтаан нийтэд санал болгох хэлбэрээр үнэт цаас гаргаж, зах зээлийн үнээр худалддаг, өөрийн гаргасан үнэт цаасыг эргүүлэн худалдан авах үүрэг хүлээдэггүй.
ETF буюу Биржээр арилжаалагддаг сан ордог бөгөөд олон төрлийн хөрөнгийн ангилалд, хялбараар хөрөнгө оруулах боломжийг олгодог санхүүгийн бүтээгдэхүүн юм. Тус сан нь нэгж эрхийн биржийн үнэ нь NAV-аас өндөр хувиар зөрдөггүй давуу талтай.
Хувийн хөрөнгө оруулалтын сан
Хувийн хөрөнгө оруулалтын сан нь цөөн тооны буюу зөвхөн мэргэжлийн хөрөнгө оруулагчдаас хөрөнгө оруулалтын эх үүсвэрээ татан төвлөрүүлж, хөрөнгийн зах зээл дэх бүх төрлийн санхүүгийн хэрэгслүүдэд хөрөнгө оруулалт хийдэг сан юм. Хувийн хөрөнгө оруулалтын санг компанийн хэлбэрээс гадна гэрээний хэлбэртэй байгуулж болдог.
Компанийн хэлбэртэй хөрөнгө оруулалтын сан: Хөрөнгө оруулагч нь үнэт цаасны багцад хөрөнгө оруулах зорилго бүхий компанийн хувьцаа буюу нэгж эрхийг худалдан авах замаар тухайн компанийн хувьцаа эзэмшигч болно. Санг үүсгэн байгуулсан Хөрөнгө оруулалтын менежментийн компани нь сангийн хөрөнгийн багцын удирдлагыг хэрэгжүүлэх бөгөөд сангийн хөрөнгө оруулагч буюу нэгж эрх эзэмшигчдийн ашиг сонирхлыг тэргүүн ээлжид тавьж ажилладаг. Хөрөнгө оруулалтын сангийн төлөөлөн удирдах зөвлөл нь сангийн өдөр тутмын үйл ажиллагаа болон санд үйлчилгээ үзүүлэгч этгээдүүдийн үйл ажиллагаанд хяналт тавьж сангийн засаглалд чухал үүрэг гүйцэтгэнэ.
Гэрээний хэлбэртэй хөрөнгө оруулалтын сан: Сангийн хөрөнгө оруулагч хууль, эрх зүйн хүрээнд оршин тогтнодоггүй үнэт цаасны багцад хувь эзэмших буюу гэрээнд үндэслэн нэгж эрх худалдан авч буй сангийн хэлбэр юм. Энэ төрлийн сангийн үйл ажиллагаа талуудын хооронд байгуулсан гэрээний үндсэн дээр явагдана. Хөрөнгө оруулалтын менежментийн компани нь сангийн хөрөнгийн багцын удирдлагыг хэрэгжүүлэх бөгөөд сангийн хөрөнгө оруулагч буюу нэгж эрх эзэмшигчдийн ашиг сонирхлыг тэргүүн ээлжид тавьж ажилладаг.